Que é?

A modificación do Código Civil pola Lei 35/1994, concede a posibilidade de contraer matrimonio civil diante do Alcalde ou concelleiro ou concelleira en quen delegue, conforme ás ausencias do Alcalde.

Que documentos hai que achegar?

Para a celebración do matrimonio civil no Concello de Pontevedra non hai que estar empadroado no concello, pero é necesario:

1. Tramitar a solicitude no Rexistro Civil do concello onde se atopen empadroados, encargado de autorizar ao noso Concello para a celebración da voda. O Rexistro Civil de Pontevedra expedirá o documento denominado “Relación de datos de matrimonio civil”. O Enderezo do Rexistro Civil de Pontevedra é:

           Enderezo do Rexistro Civil

           Rúa Francisco Tomás y Valiente, s/n; 36004 Pontevedra

          Tel. do Rexistro Civil: 986 805 767

2. Presentar no Rexistro Xeral do Concello a seguinte documentación:

• Solicitude de casamento.
• Documento acreditativo do pago da taxa correspondente ( 77,64 €).
• Fotocopia do DNI dos contraentes.
• Fotocopia do DNI de dúas testemuñas maiores de idade que deberán estar presentes na cerimonia.
• Relación de datos de matrimonio civil, expedida polo Rexistro Civil.

Data

Pódese elixir día e hora chamando ao número de teléfono 986 804 303 ou ben acudindo ao Gabinete de Alcaldía do Concello durante a semana en horario laboral, agás os venres. A data reservarase durante tres semanas, se neste prazo non se presentase a solicitude, a reserva quedará sen efecto.

A solicitude coa documentación necesaria deberá presentarse polo menos 10 días antes da voda.

Horario

As cerimonias de matrimonio civil no Concello de Pontevedra teñen unha duración aproximada de 15 a 20 minutos e realizaranse no salón vermello do Pazo de Mugartegui os venres pola tarde e sábados. Con carácter excepcional as vodas que se celebren durante a semana, fanse na Alcaldía ou na sala de comisións do Concello, na rúa Michelena, 30.

Podes casar:

•     Calquera día laborable de 8.00 a 14.30 horas
•     Os venres pola tarde de 18.00 a 20.00 horas
•     O sábados de 11.30 a 14.00 horas e de 18:00 a 20.00 horas.
•     Non se celebrarán vodas nin os domingos nin os festivos.

Organización

Para unha mellor organización da cerimonia deberase chamar ao teléfono 986 804 303 para indicar:

•     Número aproximado de asistentes á cerimonia.
•     Música: poderán contratar pola súa conta música en directo ou traer un equipo de música...
•     Adornos florais: poderán adornar persoalmente ou a través dunha floraría.
•     Horarios para adornos: colocaranse 30 minutos antes do comezo da cerimonia e retiraranse ao finalizar a cerimonia civil. De haber outra voda antes o tempo para adornar reducirase a 15 minutos.
•     Aneis : non son obrigatorios pero débese indicar si se levan ou non.
•     Vehículos: durante o tempo da cerimonia poderán aparcar dous vehículos na Praza da Pedreira, diante do Pazo. Informarase con antelación (unha semana) á Policía Local da matrícula daqueles.

Fotografías do Pazo de Mugartegui

enlace

Para máis información
Servizo de Protocolo
T 986 804 303
Contacto aquí