O Museo de Pontevedra súmase un ano máis á celebración da Feira Franca na cidade con diversas propostas do Gabinete Didáctico dirixidas a todo tipo de público e que se celebrarán ó longo la primeira semana de setembro.
Pontevedra e a súa arte na época da Feira Franca. Do martes 2 ao venres 5 de setembro ás 19 horas no Sexto Edificio. Visita teatralizada, dirixida a todos os públicos, na que un xuramento de amor levaranos a coñecer a arte en tempos da Feira Franca en Pontevedra.
Obradoiro de Heráldica. Sábado 6 de setembro, de 11 h a 14 h e de 17 h a 19:30 h. Celebrarase nos soportais do edificio Fernández López e está dirixido ó público infantil sen límite de idade. Nel os nenos e nenas poderán crear o seu propio escudo cos elementos que identifican os seus apelidos familiares. O obxectivo é que se acheguen ó mundo da heráldica dende a súa orixe para que comprendan, a través da colección de escudos do Museo, o papel que xogaron na identificación das principais liñaxes da nobreza galega.
Escola de Heráldica. Sábado 6 de setembro dúas sesións: ás 12:30 h e ás 18:30 h. Visita teatralizada, dirixida a todos os públicos, pola historia dos escudos exteriores dos edificios Castro Monteagudo, García Flórez, Fernández López e Sarmiento. O punto de encontro será nos soportais do edificio Fernández López.
+info. en www.museo.depo.es