Premios Cidade de Pontevedra

Os premios Cidade de Pontevedra distinguen cada ano a unha entidade e a unha persoa física da cidade que se teñan destacado por algunha razón, contribuíndo ao benestar da cidadanía ou proxectando o nome de Pontevedra en calquera aspecto.

Un xurado do que forman parte membros da Corporación e representantes de entidades sociais e culturais elixen cada ano as persoas agasalladas con esta honra colectiva, que se entrega nun acto solemne e público que a Corporación celebra o 20 de Xaneiro, día de San Sebastián, patrón da capital.

Os premios con comportan cantidades económicas, pero sí o agasallo dun Teucro de prata e un diploma.

Esta é a crónica da entrega de premios do ano 2011.

O Concello de Pontevedra fixo entrega a pasada semana os premios Cidade de Pontevedra á nadadora Beatriz Gómez Cortés e á Asociación sociocultural Cedofeita, nunha sesión plenaria de honra celebrada no Teatro Principal. O alcalde presidiu esta sesión extraordinaria na que estivo presente toda a Corporación e moitos convidados dos gañadores.

Beatriz Gómez Cortés foi proposta pola Fundación náutico-deportiva Rías do Sur “polos logros acadados no deporte da natación, facendo que a pontevedresa sexa recoñecida en España formando parte da Selección español Junior e absoluta, e acadando resultados moi satisfactorios que fan dela unha promesa da natación nacional, así como un espello no que poden verse reflectidos outros mozos da nosa provincia”.

Cedofeita foi proposta pola Federación de Asociacións de Veciños Teucro. Segundo no seu escrito “Nada fai 16 anos por inquedanza duns veciños de Lérez, a Asociación Cultural Cedofeita tenta de sacar á luz e dar a coñecer o patrimonio cultural e artístico da parroquia de Lérez e a súa contorna, a través dunha programación de actividades e de exposicións, e coa publicación dunha revista anual que leva o seu nome e que neste ano cumpriu o seu número 16.

A asociación ten unha ampla programación ao longo de todo o ano realizando unha intensa actividade divulgativa sobre o medio ambiente e a historia do entorno. Ten tamén unha participación destacada na Feira Franca onde fixeron demostracións de como se poden facer tintas naturais a partir das plantas ou como conquereir fabricar papel a partir de palla, entre outras. Fai todos os outonos saídas micolóxicas ao monte e os seus integrantes colaboran de xeito cotiá con todas aquelas entidades que así o solicitan.

Apuntes

01-05-2012

Comeza Maio mes da Lingua

A Concellaría de Normalización Lingüística do Concello de Pontevedra organiza como cada ano o programa Maio, Mes da Lingua, que este ano chega á oitava edición. Trátase dun conxunto de actividades, orientadas á promoción do uso e do prestixio da lingua galega, que aglutinan tanto actividades organizadas pola propia Concellaría,

01-05-2012

Marcos da Portela, ga�ador do Concurso de maios

A praza da Ferraría viviu esta mañá un exitoso concurso de maios na que participaron 13 agrupacións e do gozaron ducias de persoas ao longo da mañá de hoxe. Os premios foron os seguintes: Premio ao maio 350,00 €: Maio Marcos da Portela. Premio ao maio 300,00 €: Asociación Cultural e Deportiva Campañó Premio ao maio