Pontevédrate...

O río dos Fontáns, que ven de Santo André de Xeve, chega ao Lérez entre muíños, formando unha pequena pero agradábel praia fluvial natural

Eixo Atlántico Ferroviario

Están en marcha as distintas obras que situarán a capital no mapa europeo da Alta Velocidade Ferroviaria, a través do Eixo Atlántico Ferroviario e da conexión por Cerdedo da liña procedente da Meseta que decorrerá entre Ourense, Santiago e A Coruña. Esta vía conectará co Eixo Atlántico ao norte da cidade, desde donde se dirixirá a Vigo.

En xeral, o traxecto do Eixo Atlántico por Pontevedra decorre en paralelo á vía actual, ou ocupando o mesmo lugar que agora, especialmente no treito urbano, donde se oculta parte da infraestrutura tanto no barrio da Seca como na zona da Eiriña, xa próxima á Estación, lugar no que se amplía o túnel actual para dar máis funcionalidade urbana ás rúas 12 de novembro e Camiño de Ferro, así como mellorar a conexión entre A Parda e o centro da cidade.

Estas obras permiten mellorar a calidade urbana en varios puntos da cidade, pois se crean as seguintes infraestruturas de mobilidade, a parte da propia liña férrea que nos acercará con máis rapidez a o tecido urbano entre A Coruña e Vigo.

— Nova ponte entre os Xulgados da Parda e a rúa 12 de Novembro, que permitirá unha nova vía de penetración desde o leste no centro da cidade.

— Nova ponte baixo o ferrocarril entre a vía de Valdecorvos e a rúa Xosé Malvar, o que mellora significativamente a mobilidade entre a Av. de Lugo e entrada leste e a zona litoral interior, xa que conecta moi próximo á Ponte dos Tirantes.

— Conexión peonil entre as duas marxes do río Lérez á altura da praia fluvial, xa que se aproveitará para este fin a vella ponte do ferrocarril.

    O máis buscado
    Navegador

    O Concello

    Pontevédrate

    Áreas

    Pontevedra participa!

    E máis

    Hoxe é 22.07.2018 | contacto@pontevedra.eu | Páxina editada o 14.09.2011 polo Concello de Pontevedra.