Actualízate

01 de Febreiro de 2015 Pontevedra

Normalización

Falando galego con Inglaterra, Polonia, Croacia, Irlanda, Alemania e Finlandia

28 de Xaneiro de 2015

A Concellaría de Normalización Lingüística presentou esta mañá o programa Ponte a Europa que pretende dinamizar o uso da lingua galega a través de conversas e narración multimedia entre escolares de 5º e 6º de Primaria. Ponte a Europa tivo o pasado curso unha experiencia previa denominada naquel momento Ponte a Londres que resultou todo un éxito na comunidade escolar na que se desenvolveu.
Nesta edición participarán 22 alumnos do CEIP de Lérez, 38 de Xeve e 8 de Campañó, así como oito universitarios europeos estudantes de lingua galega, pertencentes a sete universidades, baixo a coordinación do poeta e filólogo pontevedrés Isaac Xubín.
Os alumnos participantes son:
• Universidade de Oxford: Scott Challinor
• Universidade de Birmingham: Robert Farr
• Universidade de Varsovia: Kasia Szczechula
• Universidade de Zadar: Lucija Batur e Matea Reskov
• Universidade de Berlín: Suliman Adam
• Universidade de Cork: Nick Murphy
• Universidade de Helsinki: Ilari Lahtela

As distintas actividades do programa impulsarán o galego como lingua de comunicación entre o alumnado e axudará aos nenos e nenas de Pontevedra a valorar a lingua galega como lingua de comunicación. Tamén se incentivará a reflexión de que o coñecemento, o uso e a valoración do galego é unha fonte de riqueza lingüística e de identidade que abre as portas a un universo infinito de coñecementos e á comunicación con moitos países fóra de Galiza.
Os eixos centrais do programa serán o uso, a posta en valor e a difusión da lingua e cultura galega entre a mocidade e dende a mocidade; o coñecemento doutros lugares de Europa a través da lingua galega e o uso responsable e crítico da tecnoloxía, así como a construción colaborativa de contidos web e multimedia.
O obxectivo xeral é a mellora da competencia lingüística do alumnado na lingua galega durante todo o proceso e a posta en valor do patrimonio cultural, inmaterial e dixital deses núcleos e así adiantar un paso máis no proceso de normalización lingüística.
• Contribuír á posta en valor e favorecer un sentimento de orgullo e de defensa do galego entre a mocidade e os seus familiares, así como dos seus xeitos de vida, por moi diferentes que sexan.
• Posta en valor da vida cotiá no rural galego como elemento motivador para a creatividade e as actitudes activas.
• Contribuír ao uso e manexo da tecnoloxía.

Os obxectivos específicos:
• O uso do galego en todo o proceso. Potenciarase o seu valor como identidade e uso nos distintos ámbitos da súa vida cotiá (música, deporte…) espazos cos que se sintan identificados/as.
• Contribuír a desenvolver a conciencia lingüística borrando prexuízos lingüísticos detectados cara á lingua galega. Buscar fórmulas de actuación para subliñar o valor da nosa lingua como identidade e a posibilidade real de ser usado en calquera contexto.
• Visibilizar usos do galego en contextos e soportes de vangarda: Internet, arte, tendencias.
• O coñecemento da cultura actual galega e de tendencia que poida ser inspiradora para o alumnado tanto de Pontevedra como de Europa.
• A divulgación do patrimonio inmaterial e cotiá da vida no rural galego a través dos seus ollos e dos contidos que poidan crear, como elemento para a posta en valor da realidade que lles rodea.
• A conversa multimedia en galego con mozos e mozas moi afastados xeograficamente, culturalmente e socialmente, mais que aposta por estudar o galego.
• A importancia no valor de crear contido na rede en galego.
• O aprendizaxe e uso de ferramentas TICS en galego e baseadas en Software libre.
• Introducir a perspectiva de xénero nos distintos procesos de ensino e aprendizaxe aportando exemplos de mulleres na vangarda cultural galega.

Para acadar os obxectivos traballarase ao longo de cinco meses con:
1. Cinco sesións nos centros educativos en horario escolar, onde se traballará en galego cunha proposta clara: a dinamización do uso do galego partindo da divulgación cultural da realidade, amosando e divulgando o que se fai en Galiza nos diferentes ámbitos de maneira motivadora para o alumnado.
2. Un blog didáctico dirixido, como ferramenta con contidos que abranguen a divulgación de proxectos e propostas creativas galegas de tendencia; o proceso do proxecto a través da fotografía e vídeo; os contidos elaborados polo alumnado en diversos formatos e as conversas, reflexións e debates que poidan xurdir das tarefas presentadas.
3. O blog será o elemento vertebrador de toda a acción educativa; axudará a establecer un diálogo continuo entre docente e alumnado, e entre o  alumnado de Pontevedra e os mozos e mozas de Europa.
4. O seguimento online das actividades durante os meses de duración do proxecto empregando como ferramenta o correo electrónico, e o blog.
5. A elaboración dun documental que de conta do proceso de todo o proxecto e a tarefa creativa do alumnado.

Todos os contidos estarán dirixidos e titorizados por persoal con experiencia na dinamización de colectivos.

Previsión de actividades en Ponte a Europa

A edición, documentación e actualización do blog comezará o 29 de xaneiro e continuará ata o remate da actividade. Ademais, haberá cinco sesións presenciais, guiadas por unha monitora:

1. (29 de xaneiro) SESIÓN PRESENTACIÓN e primeira conexión con Oxford: (1 hora e media)
- de 10.00 a 11.30 horas, no CEIP de Lérez, para os CEIP de  Lérez, Xave e  Campañó.
-Presentación do proxecto e da plataforma de comunicación e visualización dun vídeo inicial promovendo a participación nesta proposta.
-Videoconferencia con Oxford co obxectivo de explicarlles a nosa proposta e o blog no que iremos creando contido e co que poden interactuar.


 

O Concello volve colaborar co Certame de relato curto da Fampa
Curso de formación para os 50 alumnos que participarán no Club de Debate 2015
Bravú XX. Tanta paixón quen poderá detela!", dende esta tarde no Pazo da Cultura
Comezan os obradoiros de micoloxía e lingua con estudantes de primaria
Máis de 1.000 estudantes de Primaria xogan co galego nos obradoiros Lingua Forza 3
Volve a campaña Proba en galego entre os comercios e empresas locais
Preocupación no Concello e na Mesa polo nulo uso da lingua galega no ensino
Cen alumnos do CEIP A Xunqueira II participaron no obradoiro de banda deseñada
Premios aos mellores relatos feitos en familia
O Convento do Acibal ou o Pazo de Gondar, na exposición dos Chamadeiros de Xeve
A exposición Chamadeiros chega a Mourente da man de Maio, mes da lingua
20 de Maio de 2014

Pontevedra, 20 de maio de 2014. A programación de Maio, mes da lingua ofrece para mañá, 21 de maio, as seguintes

Ponte a Londres e unha sesión lectora mañá en Maio, mes da lingua
14 de Maio de 2014

A programación de Maio, mes da lingua recolle mañá as seguintes actividades: • Ponte a Londres: Sesión conxunta

O libro de Ana Acuña, maña, en Maio, mes da lingua
13 de Maio de 2014

A programación de Maio, mes da lingua recolle para mañá, 14 de maio: • Presentación do libro Conciencia

Machina e Transilvanians, na segunda sesión do Galegote Rock
24 de Abril de 2014

O Galegote Rock continúa mañá na Sala Karma, a partir das 22.30 horas, nunha sesión na que actuarán Machina e

Neira Vilas imparte mañá unha conferencia para estudantes no Principal
09 de Abril de 2014

O Concello de Pontevedra, en colaboración coa editorial Galaxia, trae o escritor Xosé Neira Vilas mañá, xoves 10 de

A exposición sobre Vidal Bolaño chega ao IES de Ponte Caldelas
28 de Marzo de 2014

A Concellaría de Normalización Lingüística do Concello de Pontevedra dispón de xeito temporal da exposición

Procura por mes 
O máis buscado
Navegador

O Concello

Pontevédrate

Áreas

Pontevedra participa!

E máis

Hoxe é 01.02.2015 | contacto@pontevedra.eu | Páxina editada o 01.02.2015 polo Concello de Pontevedra.