Actualízate

26 de Xuño de 2019Pontevedra

Visita aos enterramentos Neolíticos e da Idade de Bronce de Castiñeiras

24 de Novembro de 2012

A Concellaria de Patrimonio Histórico continúa esta mañá coas xornadas de patrimonio funerario ao longo da historia coa visita comentada aos enterramentos megalíticos da Chan de Castiñeiras (parroquia de San Martiño de Vilaboa) e a Chan da Armada (parroquia de Santomé de Piñeiro, en Marín), situados na contorna do Lago de Castiñeiras.

O arqueólogo municipal Xoán Carlos Castro é o guía desta visita xa que foi director das excavacións arqueolóxicas que foron realizadas nestes monumentos no ano 2008.

Trátase dunha visita de carácter divulgativo para coñecer un dos conxuntos de mámoas de máis interese de Galicia, obxecto de excavación arqueolóxica e rehabilitación nos últimos anos. As mámoas son enterramentos que datan do Neolítico e principios da Idade do Bronce, é dicir, de hai entre catro e seis mil anos. Maioritariamente son enterramentos colectivos, sendo esta unha das súa características definitorias, e se levan a cabo nunha estrutura soterrada baixo un túmulo de terra.

Se ben a variabilidade desta arquitectura é moi grande, destacan as grandes cámaras megalíticas, como o famoso Dolmen de Dombate, construído con grandes laxes de pedra fincadas no terreo. Deste tipo de enterramentos veranse dous dos exemplos máis senlleiros que hai en Galicia: a Mámoa do Rei en Chan de Castiñeiras (Vilaboa) e a mámoa de Chan de Armada (Marín).

O roteiro terá unha lonxitude aproximada duns 6,5 quilómetros, e permitirá ver un total de 15 destes túmulos funerarios. A dificultade do percorrido é baixa, de xeito que é accesible para case todos os públicos.

Pontevedra acolle 16 competicións de rango nacional ou internacional durante este ano
Pontevedra convértese no escaparate da oferta educativa de Galicia e de España coa celebración do salón Edugal
Pontevedra recolle en Dubai o premio da ONU pola súa transformación
O Concello mellorará a seguranza viaria nas inmediacións do colexio de Marcón
Victoria Martíns aborda as "Universitarias no franquismo" mañá na Casa das Campás
Volven as Andainas
Lores presenta en Dubai o modelo Pontevedra
Comezan obras de mantemento e reparación en diversas rúas do centro da cidade
Premios da XX Mostra da Parodia
Premios do Desfile do Entroido
A Xunqueira II acolle unha conferencia sobre os prexuízos lingüísticos de Marcos Maceiras
24 de Febreiro de 2015

[...]

Zafarrancho de limpeza na praza de Barcelos
24 de Febreiro de 2015

[...]

Zafarrancho de limpeza na avenida do Uruguai
27 de Xaneiro de 2015

[...]

Haberá máis información sobre a compostaxe nunhas xornadas técnicas
19 de Xaneiro de 2015

[...]

Procura por mes 
O máis buscado
Navegador

O Concello

Pontevédrate

Áreas

Pontevedra participa!

E máis

Hoxe é 26.06.2019 | contacto@pontevedra.eu | Páxina editada o 26.11.2012 polo Concello de Pontevedra.