Actualízate

16 de Agosto de 2018Pontevedra

O Concello coñece a débeda de Pasarón que se achega aos 20 millóns

21 de Maio de 2010

Pasarón, a ponte de Monte Porreiro e os accesos a Castrosenín centraron a reunión que esta semana mantiveron o alcalde Miguel Anxo Fernández Lores e o presidente da Deputación, Rafael Louzán. Todos eles son proxectos comúns ás dúas institucións, impulsados polo Concello de Pontevedra. O alcalde recoñeceu logo do encontro non sentirse satisfeito polos resultados do encontro xa que se atopou cunha débeda de Pasarón que xa triplica a cifra inicial de investimento, e porque a Deputación non está disposta a financiar máis que o proxecto de construción do acceso a Castrosenín cando, en realidade, estase a dar servizo a dependencias de ámbito provincial como son Montecelo, o Príncipe Felipe e os Grupos Rurais de Seguridade.

 

O alcalde recoñeceu logo do encontro que “por fin” coñecemos as cifras descoñecidas do remate de Pasarón. “Si se confirman as previsións de incremento de obra, liquidacións e revisións a obra chega aos 20 millóns de euros, coas expropiacións incluídas”, explicaba Fernández Lores quen recoñecía que “nós discrepamos das cifras, temos que comprobalas cos técnicos municipais”. De ser realmente así, o Concello fará unha achega de 10.5 millóns de euros para o campo e a Deputación 9,5 millóns.

 

PONTE DE MONTE PORREIRO


A respecto da nova ponte de Monte Porreiro. No encontro chegouse ao acordo de que a Deputación licite antes de final de ano o segundo tramo desta ronda que unirá a estrada de Campo Lameiro coa rotonda da avenida de Compostela (estrada de Santiago). Este ramal implicará un investimento de 2,5 millóns de euros máis tanto para a execución como as expropiacións. Estas últimas correrán a cargo do Concello.

 

O alcalde quixo lembrar que a construción desta ponte está enmarcada no convenio asinado coa Deputación polo cal o Concello comprometíase a ceder o edificio de Educación á Deputación, e así resolverlle os problemas de espazo para os próximos anos, e a Deputación executaría a nova ronda urbana coa ponte de Monte Porreiro. “Por iso, si o Concello ten que asumir os incrementos das expropiacións, a Deputación terá que asumir os incrementos da obra”, concluía Fernández Lores, quen puntualizou que esta ponte “é unha necesidade para a parte norte da cidade, para dar acceso a Montecelo e a Príncipe Felipe”.

 

ACCESO A CASTROSENÍN


Dentro do Plan provincial anticrise que a Deputación habilitou para os concellos da provincia, o Concello de Pontevedra fixo varias propostas á Deputación para investir no rural do municipio. A principal era o acceso a Castrosenín para dar servizo aos Grupos Rurais de Seguridade da Garda Civil, a Montecelo e ao Príncipe Felipe.

O presidente da Deputación só comprometeu redactar o proxecto para a execución dese viario, pero en ningún momento quixo comprometer máis investimento para a necesaria execución da estrada.

O alcalde Miguel Anxo Fernández Lores recoñeceuse decepcionado pola negativa da Deputación xa que “non pedimos obras para o municipio expresamente, nin defendemos intereses capitalinos estrictos, senón que estamos a pedir infraestruturas que son unha necesidade para todos os cidadáns da provincia”. É por isto, que o alcalde confirmou que non saíu satisfeito do encontro mantido con Rafael Louzán.

 

 

 

 

 

Pontevedra acolle 16 competicións de rango nacional ou internacional durante este ano
Pontevedra convértese no escaparate da oferta educativa de Galicia e de España coa celebración do salón Edugal
Pontevedra recolle en Dubai o premio da ONU pola súa transformación
O Concello mellorará a seguranza viaria nas inmediacións do colexio de Marcón
Victoria Martíns aborda as "Universitarias no franquismo" mañá na Casa das Campás
Volven as Andainas
Lores presenta en Dubai o modelo Pontevedra
Comezan obras de mantemento e reparación en diversas rúas do centro da cidade
Premios da XX Mostra da Parodia
Premios do Desfile do Entroido
A Xunqueira II acolle unha conferencia sobre os prexuízos lingüísticos de Marcos Maceiras
24 de Febreiro de 2015

[...]

Zafarrancho de limpeza na praza de Barcelos
24 de Febreiro de 2015

[...]

Zafarrancho de limpeza na avenida do Uruguai
27 de Xaneiro de 2015

[...]

Haberá máis información sobre a compostaxe nunhas xornadas técnicas
19 de Xaneiro de 2015

[...]

Procura por mes 
O máis buscado
Navegador

O Concello

Pontevédrate

Áreas

Pontevedra participa!

E máis

Hoxe é 16.08.2018 | contacto@pontevedra.eu | Páxina editada o 24.05.2010 polo Concello de Pontevedra.