Actualízate

21 de Decembro de 2014 Pontevedra

Educación

As ludotecas de Nadal apostan pola formación bilingüe e a oferta compartida na cidade, no rural e Monte Porreiro

02 de Decembro de 2014

O programa municipal de ludotecas mantense sen recortes. É unha aposta polo Ensino público de calidade, subliñou hoxe o concelleiro de Educación, Agustín Fernández, na que o Concello está firmemente comprometido. O edil presentou esta iniciativa acompañado do presidente da Federación de Asociacións de Nais e Pais (Fanpa-Pontevedra), Rogelio Carballo.

As ludotecas, definidas como unha peza central da política educativa municipal, están dirixidas a nenos/as de 3 a 12 anos e celebraranse do 22 de decembro ao 7 de xaneiro, cubrindo así o período vacacional. O horario mantense, dende hai tres anos, entre as 9 e 14 horas, co obxectivo de equiparalo ao escolar e facilitar ao máximo a conciliación da vida familiar e laboral. Ademais hai posibilidade de amplialo para chegar ao abano das 8.30 ás 14.30 horas.

O concelleiro pontevedrés subliñou que as ludotecas son imprescindibles para garantir a conciliación da vida laboral coa familiar. Aínda máis en tempos de crise porque os horarios laborais son cada vez máis esixentes, mesmo para xente que dispón de contratos a tempo parcial. Cómpre por tanto, que unha a Administración municipal bote unha man ás familias ofertando este tipo de dispositivos.

O responsable municipal subliñou o acerto da estratexia de asinar un convenio anual coa Fanpa que permite poñer en marcha non só este programa, senón un completo abano de actividades contando así coa colaboración activa das asociacións de nais e pais.

A novidade deste ano chega coa oferta de dous obradoiros, nos que se pode participar por horas e con independencia da inscrición dos nenos na ludoteca, para crear figuriñas de de Nadal con arxila ou para elaborar un conto a través dunha aplicación para “tabletas” dixitais.

O número total de prazas ofertadas é de 190 e desdóbrase en función das idades e o idioma: Galego ou Inglés. O “Ludonadal” para os alumnos de Infantil leva por título “O Nadal percorre o mundo”. O eixe temático para os alumnos de Primaria será “O Nadal das Estacións”. Finalmente, a ludoteca en Inglés chámase “Os Valores”. En canto aos lugares de celebración serán os colexios de Campolongo (50 prazas), Barcelos (50 prazas para a ludoteca en Inglés), Vilaverde (30 prazas), Cabanas (30 prazas) e Marcos da Portela (30 prazas).

O prazo de presentación de solicitudes está aberto dende este venres, 5 de decembro, ata o xoves, día 11. As persoas interesadas deben dirixirse á oficina da Fanpa (rúa de Xan Guillermo, 9). O formulario de inscrición pode descargarse xa en www.nontedurmas.org. O prezo é de 40 euros, pero queda en 25 euros para as familias numerosas ou para as inscricións a partir do segundo fillo. Agustín Fernández subliñou que é unha tarifa fortemente subvencionada polo Concello, a través do convenio coa FANPA.

Para tramitar a matrícula precísase fotocopia do DNI da nai/pai/titor e do neno/a ou libro de familia, fotocopia da tarxeta sanitaria, fotografía carné, acreditación de familia numerosa, declaración xurada de familia monoparental, certificado escolar ou documento que acredite que o neno estuda nun colexio público de Pontevedra, empadroamento ou certificación de convivencia e número de conta bancaria.

Media ducia de colexios de Pontevedra aprenden a coidar a saúde facendo deporte e comendo ben
A Concellería de Educación concede axudas ás ANPA para a realización de actividades
Os colexios de Pontevedra inician o curso con normalidade ao estar rematadas a práctica totalidade das obras municipais
O viveiro de Campus Crea, na rúa da Barca
O Concello e Fanpa-Pontevedra asinan o convenio de colaboración para comedores, almorzos e actividades
A Concellería de Educación volve convocar as únicas subvencións públicas que apoian as actividades das ANPA
As ludotecas municipais de verán crecen ata as 1.580 prazas e volven ampliar os seus horarios
O xurado examina os 28 proxectos que os colexios e as familias presentan ao programa Pontenciencia
Pontevedra convértese nun gran laboratorio coa celebración da feira de Pontenciencia
Medio cento de actividades en Maio, mes da lingua
A Concellería de Educación promove a alimentación saudable nos colexios de Pontevedra da man de Onda Cero
20 de Febreiro de 2013

Unha alimentación saudable e a práctica regular do deporte son elementos imprescindibles para o crecemento físico e

A Concellería de Educación investirá case 25.000 euros en subvencionar as actividades das ANPA
11 de Maio de 2012

A Concellería de Educación apoiará ao movemento educativo pontevedrés cunha nova convocatoria das axudas para financiar

O CEIP Marcos da Portela recibe a exposición “Castelao para nenos e nenas”
11 de Abril de 2012

A Concellaría de Normalización Lingüística do Concello de Pontevedra cedeu temporalmente, ao CEIP Marcos da Portela, a

A Concellería de Educación subvencionará ás actividades das ANPA con case 25.000 euros
19 de Marzo de 2012

A Concellería de Educación apoiará ao movemento educativo pontevedrés cunha nova convocatoria das axudas para financiar

Os rapaces do colexio de Parada (Campañó) estrean os roteiros de “Faise camiño ao andar”
14 de Marzo de 2012

O programa extraescolar “Faise camiño ao andar”, impulsado pola Concellería de Educación, comezou onte coa

Monte Porreiro acolle a obra Babs para inaugurar a escola infantil
28 de Febreiro de 2012

O Centro Sociocultural de Monte Porreiro acollerá este xoves, 1 de febreiro, a estrea da obra de teatro Babs, a cargo da

Procura por mes 
O máis buscado
Navegador

O Concello

Pontevédrate

Áreas

Pontevedra participa!

E máis

Hoxe é 21.12.2014 | contacto@pontevedra.eu | Páxina editada o 21.12.2014 polo Concello de Pontevedra.