Actualízate

20 de Agosto de 2019Pontevedra

O drama da Guerra Civil, a represión e a ditadura, no documental

09 de Febreiro de 2015

O Teatro Principal acolle este mércores, ás 20.00 horas, a proxección do documental ‘A Pegada dos avós’, un traballo que aborda a memoria histórica dende un punto de vista moi pouco tratado, pois as persoas que buscan respostas son un grupo de sete adolescentes estudantes do último curso de bacharelato artístico do IES As Adormideiras da Coruña. Estes rapaces percorren, 75 anos despois, un particular camiño tratando de investigar a historia da xeración que viviu o golpe de 1936. En primeira persoa, terán que se enfrontar á dureza dos seus descubrimentos e explicar as implicacións que poida ter esta decisión nas súas vidas.
Escollen as historias de José Villaverde e de Amada García para afondaren nun tema sobre o que non tiñan case información. Dende a súa mirada intentarán comprender o drama da guerra civil española, a ditadura, a represión e, como din eles "coñecer de primeira man o que non vén nos libros”. Ademais, as rapazas e rapaces logran falar con catro dos principais expertos neste tema: o escritor Manuel Rivas, o xuíz Baltasar Garzón, o presidente da Comisión pola Recuperación da Memoria Histórica (CRMH) Fernando Souto e o historiador Emilio Grandío.
Julia Lago, unha das protagonistas do documental, asegura que a mocidade “sabe que se viviu esa traxedia, pero hai moita ignorancia sobre o tema, porque non sabemos realmente da gravidade do que eles viviron”. O que buscan coas proxeccións ante os estudantes é “que se involucren no asunto, que o teñan moito máis presente e que a nosa xeración tome o relevo de indagar sobre esas feridas que seguen abertas, ardentes e que aínda están a procurar unha resposta. Hai moita xente que morreu para que hoxe tiveramos unha democracia. Non son só nomes e datas, senón historias de persoas que aínda teñen moitos interrogantes”.

Proxeccións
A proxección deste documental forma parte da programación do Concello de Pontevedra arredor da recuperación da memoria histórica e está organizada pola Concellaría de Patrimonio Histórico e o Ateneo de Pontevedra. Esta actividade vai dirixida ao público en xeral, mais sobre todo interesa chegar ao alumnado dos institutos, para motivalos no traballo de recollida da memoria oral a partir da experiencia que poden ver no documental.
O mércores haberá unha sesión ás 11.45 horas no Teatro Principal á que asistirán 150 alumnas e alumnos do IES Martín Sarmiento, IES A Xunqueira I e CIFP A Xunqueira. Posteriormente está previsto programar o documental noutros centros que amosaron interese.
Pola tarde, ás 20.00 horas terá lugar no Teatro Principal o pase aberto a todo o público interesado. A entrada é libre e de balde até completar aforo.
Nesta sesión participarán Xosé Abad, director do documental (Tlf: 627470165), e Julia Lago, unha das protagonistas que actualmente estuda Belas Artes en Pontevedra (Tlf: 628071122).
 

Pontevedra acolle 16 competicións de rango nacional ou internacional durante este ano
Pontevedra convértese no escaparate da oferta educativa de Galicia e de España coa celebración do salón Edugal
Pontevedra recolle en Dubai o premio da ONU pola súa transformación
O Concello mellorará a seguranza viaria nas inmediacións do colexio de Marcón
Victoria Martíns aborda as "Universitarias no franquismo" mañá na Casa das Campás
Volven as Andainas
Lores presenta en Dubai o modelo Pontevedra
Comezan obras de mantemento e reparación en diversas rúas do centro da cidade
Premios da XX Mostra da Parodia
Premios do Desfile do Entroido
A Xunqueira II acolle unha conferencia sobre os prexuízos lingüísticos de Marcos Maceiras
24 de Febreiro de 2015

[...]

Zafarrancho de limpeza na praza de Barcelos
24 de Febreiro de 2015

[...]

Zafarrancho de limpeza na avenida do Uruguai
27 de Xaneiro de 2015

[...]

Haberá máis información sobre a compostaxe nunhas xornadas técnicas
19 de Xaneiro de 2015

[...]

Procura por mes 
O máis buscado
Navegador

O Concello

Pontevédrate

Áreas

Pontevedra participa!

E máis

Hoxe é 20.08.2019 | contacto@pontevedra.eu | Páxina editada o 09.02.2015 polo Concello de Pontevedra.