Actualízate

17 de Xuño de 2019Pontevedra

O Concello aprobará uns Orzamentos para 2015 cunha suba dun 5% e nos que os investimentos crecen preto do 45%

05 de Decembro de 2014

Os Orzamentos municipais para 2015 alcanzarán os 69,5 millóns de euros (un 5,2% máis que o anterior) e terán un forte acento social, sen esquecer a dinamización da cidade de Pontevedra tanto con investimento directo en obras como coa organización de eventos deportivos, culturais, feirais e congresuais.

O alcalde, Miguel Anxo Fenrández Lores, e o tenente de alcalde, Antón Louro Goyanes, anunciaron hoxe o acordo político alcanzado entre os grupos municipais do BNG e do PSdeG-PSOE para a aprobación das Contas. O borrador está xa en mans dos técnicos municipais e nos próximos días será entregado á Oposición, coa intención de aprobalo antes de que remate o ano.

A partida máis significativa dos Orzamentos é a de Investimentos reais, que crece un 44,4% para chegar aos 11.2 millóns de euros.

Son os mellores Orzamentos posibles tendo en conta o marco normativo sobre o teito de gasto e estabilidade financeira, destacou o alcalde Fernández Lores, quen recalcou que, de non ser por estas limitacións, o Goberno local apostaría por un documento aínda máis expansivo, aproveitando o baixo endebedamento municipal.

Antón Louro subliñou que estamos diante duns Orzamentos “froito da responsabilidade”, porque “son o feito máis relevante do ano nunha institución pública” e, de non aprobalos, habería serias dificultades para inxectar eses 11 millóns de euros na dinamización da economía local.

As Contas municipais para 2015 prevén unha partida de 20,1 millóns de euros para gastos de Persoal, 29,7 millóns para Gastos Correntes e inclúen unha operación de crédito de 2.885.496,14 euros, destinada a reforzar a potencia investidora do Concello.

O alcalde tamén destacou a forte aposta polo rural. Pola súa banda, Antón Louro centrouse no crecemento das partidas destinadas á formación e inserción laboral, como o Plan de Emprego, que pasa de 150.000 a 200.000 euros.

Os Orzamentos 2015 inclúen investimentos para obras no centro urbano e nas parroquias, unha partida de medio millón de euros para a substitución integral da cuberta do Pavillón Municipal dos Deportes e tamén as achegas para os convenios para o abastecemento de auga a Pontevedra e a súa ría e para a construción do acceso á Cidade Infantil Príncipe Felipe (ronda urbana).

Finalmente, os dous socios de Goberno remarcaron que, ademais das grandes partidas contempladas no capítulo de Investimentos, os Orzamentos “agochan” tamén importantes reservas económicas no capítulo de Gasto Corrente destinadas a alimentar a estratexia municipal de organización de eventos deportivos, feirais e congresuais.

Pontevedra acolle 16 competicións de rango nacional ou internacional durante este ano
Pontevedra convértese no escaparate da oferta educativa de Galicia e de España coa celebración do salón Edugal
Pontevedra recolle en Dubai o premio da ONU pola súa transformación
O Concello mellorará a seguranza viaria nas inmediacións do colexio de Marcón
Victoria Martíns aborda as "Universitarias no franquismo" mañá na Casa das Campás
Volven as Andainas
Lores presenta en Dubai o modelo Pontevedra
Comezan obras de mantemento e reparación en diversas rúas do centro da cidade
Premios da XX Mostra da Parodia
Premios do Desfile do Entroido
A Xunqueira II acolle unha conferencia sobre os prexuízos lingüísticos de Marcos Maceiras
24 de Febreiro de 2015

[...]

Zafarrancho de limpeza na praza de Barcelos
24 de Febreiro de 2015

[...]

Zafarrancho de limpeza na avenida do Uruguai
27 de Xaneiro de 2015

[...]

Haberá máis información sobre a compostaxe nunhas xornadas técnicas
19 de Xaneiro de 2015

[...]

Procura por mes 
O máis buscado
Navegador

O Concello

Pontevédrate

Áreas

Pontevedra participa!

E máis

Hoxe é 17.06.2019 | contacto@pontevedra.eu | Páxina editada o 05.12.2014 polo Concello de Pontevedra.