Actualízate

18 de Abril de 2019Pontevedra

Carlota Román ofrece á Xunta centralizar as oficinas de información ao visitante na Casa do Turista

05 de Agosto de 2011
A reunión, celebrada esta tarde nas dependencias da Secretaría Xeral en Santiago de Compostela, celebrouse nun ambiente de máxima cordialidade durante algo máis dunha hora. Ambas responsables políticas tiveron ocasión de repasar diversos temas e de sentar as bases para abrir unha nova etapa nas relacións institucionais. Román, quen dende o seu nomeamento como concelleira de Turismo tamén ten falado cos diferentes axentes turísticos do sector privado en Pontevedra, ten previsto manter outro encontro co presidente da Deputación, Rafael Louzán.

Na súa conversa con Carmen Pardo, Carlota Román insistiu en que o Concello dispón dunha magnífica instalación como é a Casa do Turista, situada na Praza da Verdura, e dotada dun amplo Centro de Acollida e Recepción ao Visitante no seu andar baixo. O inmoble foi restaurado dentro do Plan de Dinamización Turística e estreado en marzo de 2010. O lóxico, engadiu, é que as oficinas turísticas municipais e autonómicas convivan neste espazo, ofrecendo nun mesmo punto toda a información ao visitante. Román argumentou que diante da crise económica é necesario que as dúas administracións optimicen o uso dos recursos públicos e simplifiquen a atención ao cidadán, evitando a actual dispersión de locais. A Xunta, que ata hai algúns meses atendía ao público nas galerías da Oliva, mudouse a outro local alugado na rúa Riestra. De callar a proposta da concelleira socialista, a Administración autonómica disporía dun espazo moito máis atractivo.

Por outra banda, o Concello pretende levar a cabo a instalación de sinais peonís para indicar a situación da Casa do Turista e, se hai acordo, os mesmos sinais indicarían a ubicación dos dous servizos, que, ao estaren xuntos, poderían tamén optimizar horarios ao dispor de máis efectivos persoais. Carlota Román considera que esta medida sería un primeiro paso para camiñar cara a unha desexable coordinación e cooperación en materia turística.

A concelleira tamén falou da intención do Concello de apostar por unha maior presenza de Pontevedra en todas as actividades organizadas ou nas que participe o organismo galego Turgalicia, tanto sexan feiras como actividades. Concedeu especial relevancia ás dirixidas aos profesionais do sector como os fan trips ou workshops. A colaboración entre as webs de Turgalicia e www.visit-pontevedra.com foi outra das cuestións abordadas, así como a difusión de novas e actividades de Pontevedra a través do Noticiario Turístico que publica mensualmente o organismo galego.

Finalmente, a concelleira de Turismo manifestou o interese do seu departamento en acudir ás liñas de subvención que a Secretaría Xeral porá en marcha para promocionar a inclusión das cidades e vilas galegas nos circuítos organizados polos touroperadores, así como outras iniciativas promocionais que supoñan beneficio para o sector turístico na cidade.
Pontevedra acolle 16 competicións de rango nacional ou internacional durante este ano
Pontevedra convértese no escaparate da oferta educativa de Galicia e de España coa celebración do salón Edugal
Pontevedra recolle en Dubai o premio da ONU pola súa transformación
O Concello mellorará a seguranza viaria nas inmediacións do colexio de Marcón
Victoria Martíns aborda as "Universitarias no franquismo" mañá na Casa das Campás
Volven as Andainas
Lores presenta en Dubai o modelo Pontevedra
Comezan obras de mantemento e reparación en diversas rúas do centro da cidade
Premios da XX Mostra da Parodia
Premios do Desfile do Entroido
A Xunqueira II acolle unha conferencia sobre os prexuízos lingüísticos de Marcos Maceiras
24 de Febreiro de 2015

[...]

Zafarrancho de limpeza na praza de Barcelos
24 de Febreiro de 2015

[...]

Zafarrancho de limpeza na avenida do Uruguai
27 de Xaneiro de 2015

[...]

Haberá máis información sobre a compostaxe nunhas xornadas técnicas
19 de Xaneiro de 2015

[...]

Procura por mes 
O máis buscado
Navegador

O Concello

Pontevédrate

Áreas

Pontevedra participa!

E máis

Hoxe é 18.04.2019 | contacto@pontevedra.eu | Páxina editada o 05.08.2011 polo Concello de Pontevedra.