Actualízate

20 de Setembro de 2018Pontevedra

Bravú XX. Tanta paixón quen poderá detela!", dende esta tarde no Pazo da Cultura

17 de Novembro de 2014

O vestíbulo do Auditorio do Pazo da Cultura acolle dende esta tarde a exposición "Bravú XX. Tanta paixón quen poderá detela!", organizada pola Concellaría de Normalización Lingüística para celebrar os 20 anos do nacemento deste movemento cultural que transcendeu o eido da música e abrangueu diversas expresións culturais conseguindo que a lingua galega fose a canle común de creación para chegar a cada recuncho da nosa terra e aínda traspasar fronteiras.
A inauguración a cargo do alcalde, Miguel Anxo Fernández Lores, será a partir das 20 horas, e no acto participará Xurxo Souto, comisario da exposición e protagonista do nacemento e da evolución do movemento bravú, e Pinto de Herbón.
A noite de Santos de 1994, nunha taberna de Viana, Chantada, naceu o bravú. Unha etiqueta creada polos propios músicos que serviu para bautizar o rock cantado en galego, magma vizoso que entón estaba a agromar por todo o país.  Vinte anos despois cómpre lembrar o comezo desta aventura; unha referencia cultural e unha proposta de traballo colectivo que as persoas máis novas teñen dereito a coñecer.
O bravú comezou sendo guitarra e distorsión, mais axiña estendeu o seu berro de vida por outros camiños. Nesta exposición queremos recoller ese proxecto de axitación xeral, alicerce dunha tradición, e tamén impulso creativo para os novos tempos.
A primeira exposición gran formato do rock galego
Alén de discos, CD, camisolas, chapas, carteis, paneis informativos e instrumentos musicais, esta mostra dá un paso máis e achega un proxecto  iconográfico radicalmente novo: é a primeira exposición de lonas de gran formato do rock galego. Ata o 7 de decembro poderanse ver no auditorio do Pazo da Cultura eses grandes panos que identifican cos seus símbolos os diferentes grupos e que ata o momento só podíamos albiscar nos concertos, pendurados detrás da tarima da batería.
Rastreros, Diplomáticos, O Caimán do Río Tea, Ruxe Ruxe, Skornabois… Emblemas dun tempo cargado de creatividade e vehemencia. Proposta estética absolutamente inédita dentro da cultura popular contemporánea. Como pregoábamos entón, vinte anos despois: tanta paixón quen poderá detela!
A imaxe do lobo bravú que fora creada polo deseñador Xaime Cabanas é o eixo plástico arredor do que se artella a mostra.  Ademais, a exposición está formada por 8 paneis:
• Panel 1: Tanta paixón quen poderá detela! “Nos 90 as guitarras eléctricas chegan á aldea”
• Panel 2: Smells like wild spirit .“Cheira como a caña brava” (José Colmeiro, Michigan StateUniversity) “Na antítese do concepto de Morriña está o bravú” (Miguel Anxo Murado, “OutraIdea de Galicia”)
• Panel 3: Entre o rubán e o glocal (José Colmeiro). “O único xeito de chegar a ser realmente cidadán do mundo, é comezar por coñecer esa parte do mundo na que habitas”
• Panel 4: Bravú, a revista que sae cando a situación o require
• Panel 5: Que gusto é dar gusto a quen gusto sabe dar. “Nesta terra de mulleres que sementan berberechos na ribeira e patacas na eira” (As Garotas da Ribeira)
• Panel 6: Sesión bravú “Somos festivaleir@s”. “Eu fun á feira de San Sadurniño, canseimede viño, de rir e troular” (O Cuco de Velle)
• Panel 7: Andar polo mundo que bonito é!. “Desta aventura sairán cousas con vida propia” (Manu Chao)
• Panel 8: E de remate…que continúe! (Alexandre de Fisterra, inventor de futbolín)
•  e tamén....
o 8 bustos con réplicas de camisetas da época
o textos dos grupos máis representativos do rock bravú
o orixinais de lonas de festivais, carteis e discos dos grupos
o unha recreación dun escenario con instrumentos da época
o unha rock-ola para poñer os temas do bravú que os/as visitantes desexe

Horarios de visita e días de apertura
A mostra poderá visitarse desde o 18 de novembro ata o 7 de decembro:
- de luns a venres: de 8 a 22 horas
- os sábados: de 9 a 14 e de 16 a 21 horas
- e os días 5, 6 e 7 de decembro: no horario do Culturgal

Outras actividades arredor da exposición
A Concellaría de Normalización Lingüística ofrécelles aos centros de ensino secundario a posibilidade de facer visitas guiadas á exposición, con Xurxo Souto como relator.

Actos en paralelo na Coruña, durante a Semana do Bravú
O luns 17 tamén se estrea na Coruña a Semana do Bravú. Os diversos actos que alí se organizan en paralelo entre A Coruña e Pontevedra van compoñer un eixo vertebrador que lembrará as sinerxías bravús que ateigaron Galicia hai vinte anos.
 

Pontevedra acolle 16 competicións de rango nacional ou internacional durante este ano
Pontevedra convértese no escaparate da oferta educativa de Galicia e de España coa celebración do salón Edugal
Pontevedra recolle en Dubai o premio da ONU pola súa transformación
O Concello mellorará a seguranza viaria nas inmediacións do colexio de Marcón
Victoria Martíns aborda as "Universitarias no franquismo" mañá na Casa das Campás
Volven as Andainas
Lores presenta en Dubai o modelo Pontevedra
Comezan obras de mantemento e reparación en diversas rúas do centro da cidade
Premios da XX Mostra da Parodia
Premios do Desfile do Entroido
A Xunqueira II acolle unha conferencia sobre os prexuízos lingüísticos de Marcos Maceiras
24 de Febreiro de 2015

[...]

Zafarrancho de limpeza na praza de Barcelos
24 de Febreiro de 2015

[...]

Zafarrancho de limpeza na avenida do Uruguai
27 de Xaneiro de 2015

[...]

Haberá máis información sobre a compostaxe nunhas xornadas técnicas
19 de Xaneiro de 2015

[...]

Procura por mes 
O máis buscado
Navegador

O Concello

Pontevédrate

Áreas

Pontevedra participa!

E máis

Hoxe é 20.09.2018 | contacto@pontevedra.eu | Páxina editada o 17.11.2014 polo Concello de Pontevedra.