Actualízate

20 de Agosto de 2019Pontevedra

As obras de Santa Clara volven avanzar a todo ritmo coa axilización das escavacións arqueolóxicas

05 de Novembro de 2014

As obras de humanización da rúa de Santa Clara volven avanzar a todo ritmo unha vez que o Concello adxudicou a semana pasada as obras complementarias de escavacións arqueolóxicas no terceiro sector desta céntrica vía. O tenente de alcalde e concelleiro de Urbanismo, Antón Louro, visitou hoxe a actuación, acompañado de técnicos municipais, da empresa construtora e da firma que realiza a escavación e control das estruturas históricas.

Louro comprobou que despois de que as obras afloraran dous pequenos lousados de pedra medievais (supostamente pertencentes ao Camiño Vello de Castela ou ruta dos arrieiros) tan só se descubriu outro sector coa mesma tipoloxía, co que xa saíron á luz en torno a uns 15 metros de lonxitude. Non se atopou, polo momento, ningún outro vestixio.

O tenente de alcalde comprobou que tan só falta por abrir unha estreita franxa central da rúa, presumiblemente moi afectada xa polas vellas instalacións de Santa Clara. Os primeiros datos indican que a obra finalizará sen maiores complicacións. As previsións apuntan a que o labor dos arqueólogos podería concluír a finais da semana próxima.

As obras complementarias cobren unha superficie duns 400 metros cadrados que están a ser levantados completamente. Unha vez estudadas as estruturas arqueolóxicas comezará a colocación das novas instalacións de auga, saneamento, pluviais, electricidade e o resto de servizos. O trazado definitivo dos tubos farase coa autorización dos técnicos de Patrimonio Cultural da Xunta de Galicia.

Antón Louro dixo que cómpre ser prudentes á hora de determinar prazos para o remate das obras. Farase un esforzo para avanzar o máximo posible antes do Nadal, explicou. Se non é posible rematar para entón, engadiu, acabaremos o antes posible.

As obras da rúa de Santa Clara, que están a ser realizadas pola empresa Stradia Infraestructuras S.L., contan cun orzamento de 676.199,22 euros. Están a ser executadas en tres fases sucesivas para minimizar as molestias a veciños e comerciantes nunha vía moi estreita e na que era preciso manter aberto o tráfico rodado durante toda a execución. O proxecto consiste na substitución integral de todos os servizos, absolutamente obsoletos e deficientes, e unha adecuación en superficie baseada na ampliación dos espazos peonís, acabando coa precariedade das beirarrúas anteriores. Inclúen tamén un parque infantil e o acondicionamento da praza de José Martí.

Ao orzamento de partida engadiuse, en cumprimento da lexislación en materia de Patrimonio, un proxecto complementario de 55.452,61 euros para acometer as actuacións arqueolóxicas derivadas da aparición do camiño medieval. Este proxecto foi dotado cunha modificación de crédito nos Orzamentos municipais para este ano.

Pontevedra acolle 16 competicións de rango nacional ou internacional durante este ano
Pontevedra convértese no escaparate da oferta educativa de Galicia e de España coa celebración do salón Edugal
Pontevedra recolle en Dubai o premio da ONU pola súa transformación
O Concello mellorará a seguranza viaria nas inmediacións do colexio de Marcón
Victoria Martíns aborda as "Universitarias no franquismo" mañá na Casa das Campás
Volven as Andainas
Lores presenta en Dubai o modelo Pontevedra
Comezan obras de mantemento e reparación en diversas rúas do centro da cidade
Premios da XX Mostra da Parodia
Premios do Desfile do Entroido
A Xunqueira II acolle unha conferencia sobre os prexuízos lingüísticos de Marcos Maceiras
24 de Febreiro de 2015

[...]

Zafarrancho de limpeza na praza de Barcelos
24 de Febreiro de 2015

[...]

Zafarrancho de limpeza na avenida do Uruguai
27 de Xaneiro de 2015

[...]

Haberá máis información sobre a compostaxe nunhas xornadas técnicas
19 de Xaneiro de 2015

[...]

Procura por mes 
O máis buscado
Navegador

O Concello

Pontevédrate

Áreas

Pontevedra participa!

E máis

Hoxe é 20.08.2019 | contacto@pontevedra.eu | Páxina editada o 05.11.2014 polo Concello de Pontevedra.