Actualízate

20 de Agosto de 2019Pontevedra

As escavacións arqueolóxicas da rúa de Santa Clara rematarán esta semana, despois de descubrir o Camiño Vello de Castela e a porta da Rochaforte

17 de Novembro de 2014

As escavacións arqueolóxicas que se están a realizar na rúa de Santa Clara, no tramo situado a carón da praza de José Martí, serviron para descubrir un lousado de pedra de gran calidade cunha lonxitude de case 30 metros que se corresponde co remate do Camiño dos Arrieiros, a ruta medieval pola que o viño do Ribeiro chegaba a Pontevedra e se exportaba a toda Europa a través do porto das Corvaceiras.

O tramo, que foi visitado o pasado venres polo concelleiro de Urbanismo, Antón Louro, presenta ata tres marcas moi visibles das rodadas dos carros e achega datos moi valiosos para a historia da cidade. Aos dous lados está bastante afectado por obras que se fixeron hai algunhas décadas sen o menor respecto patrimonial, pero permite manter a hipótese de que era un camiño dunha factura de pedra excelente e cun ancho que podería rondar os seis metros.

O segundo descubrimento resulta menos espectacular á vista, pero máis valioso aínda dende o punto de vista histórico.  Os arqueólogos destaparon unha xamba da porta do Rochaforte (a porta que daba acceso ao Centro Histórico dende Santa Clara) e sitúana case 10 metros máis ao Leste do que se pensaba. Por dicilo graficamente, remarcou Louro, o lugar onde se coloca a representación desta porta durante a Feira Franca é un lugar incorrecto, porque, en realidade, correspóndese máis coa panadería que fai esquina na rúa de Santa Clara.

Diante destas revelacións, o servizo de Arqueoloxía da Dirección Xeral de Patrimonio da Xunta de Galicia ordenou unha pequena ampliación das escavacións, levantando parte da beirarrúa cara o hipermercado, co fin de delimitar axeitadamente a traza da muralla medieval neste punto da cidade.

Durante a visita, o concelleiro de Urbanismo e tenente de alcalde foi informado de que o traballo arqueolóxico concluirá en torno a este próximo venres. A continuación, reanudaranse as obras de reurbanización integral da rúa que, cun orzamento total duns 700.000 euros, implican o arranxo da superficie, pero tamén a substitución de todos os servizos soterrados, entre eles os de recollida de pluviais e saneamento, que estaban moi deteriorados e provocaban frecuentes anegamentos de baixos e garaxes.

O responsable municipal indicou que, diante da obriga de acometer estas escavacións arqueolóxicas, que aínda deben ser estudadas e catalogadas, resulta complicado establecer unha previsión exacta sobre o remate da obra.

Pontevedra acolle 16 competicións de rango nacional ou internacional durante este ano
Pontevedra convértese no escaparate da oferta educativa de Galicia e de España coa celebración do salón Edugal
Pontevedra recolle en Dubai o premio da ONU pola súa transformación
O Concello mellorará a seguranza viaria nas inmediacións do colexio de Marcón
Victoria Martíns aborda as "Universitarias no franquismo" mañá na Casa das Campás
Volven as Andainas
Lores presenta en Dubai o modelo Pontevedra
Comezan obras de mantemento e reparación en diversas rúas do centro da cidade
Premios da XX Mostra da Parodia
Premios do Desfile do Entroido
A Xunqueira II acolle unha conferencia sobre os prexuízos lingüísticos de Marcos Maceiras
24 de Febreiro de 2015

[...]

Zafarrancho de limpeza na praza de Barcelos
24 de Febreiro de 2015

[...]

Zafarrancho de limpeza na avenida do Uruguai
27 de Xaneiro de 2015

[...]

Haberá máis información sobre a compostaxe nunhas xornadas técnicas
19 de Xaneiro de 2015

[...]

Procura por mes 
O máis buscado
Navegador

O Concello

Pontevédrate

Áreas

Pontevedra participa!

E máis

Hoxe é 20.08.2019 | contacto@pontevedra.eu | Páxina editada o 17.11.2014 polo Concello de Pontevedra.