Zafarrancho de limpeza na avenida do Uruguai

60

A Concellaría de Servizos, baixo a dirección da concelleira Carme da Silva, realiza esta semana un zafarrancho de limpeza na avenida do Uruguai, dende a Ponte das Correntes até a ponte da Barca, na marxe da ría.
A limpeza realizarase na madrugada do xoves.
Dado que se trata de zonas de estacionamento de vehículos e de carga e descarga, colocaranse valos indicativos prohibindo o aparcamento en toda a zona. A prohibición é efectiva dende a tarde do mércores.
A limpeza desenvolverase con varredoras, máquinas de auga e limpeza a pé. A concellaría solicita a colaboración de veciños e de condutores para acadar unha perfecta limpeza das rúas.