Un acto aberto a toda a cidadanía servirá para despedir o ano con antelación e dun xeito lúdico.
Será ás 12 do mediodía de mañá sábado, día 31 de decembro, na Praza de España, no recinto ocupado polo programa de dinamización comercial "Sinte o Nadal", que organiza a Concellería de Promoción Económica.
Entre os que se animarán a despedir o ano anticipadamente estará a concelleira, Carlota Román.
A celebración incluirá as típicas badaladas. Ao tratarse dun recinto especialmente destinado aos máis cativos, utilizaranse gominolas en vez das típicas uvas da sorte. O brinde serán con sidra sen alcol.
A animación correrá a cargo dun disc-jockey e dun grupo de humoristas.
Inicio Sin categoría