Actualízate

20 de Xullo de 2017Pontevedra

O luns comezan as obras de reparación da avenida de Marín

09 de Outubro de 2014

Aínda que xa comezaron os traballos previos para a reparación da avenida de Marín, o groso do traballo arrancará o vindeiro luns, 13 de outubro, cando está previsto pechar o carril de saída da cidade e habilitar os dous carrís de entrada en dobre sentido durante o tempo que duren as obras. Aínda que estaba previsto comezar no día de hoxe os traballos, as condicións meteorolóxicas dos días pasados impediron facer intervencións previas necesarias para variar o tráfico.
As obras de reparación teñen un orzamento de 126.000 euros, procedentes da fianza incautada á empresa Hidroscivil que non chegou a facer a reparación porque entrou en proceso concursal.
Está previsto facer reparacións, principalmente, nos pasos de peóns, nos pavimentos, mediana e tamén no carril-bici e no paseo peonil.
As obras teñen un prazo de execución de tres meses aínda que o avance dos traballos dependerán do tempo. O que si ten claro o goberno é que a prioridade é que a obra se faga ben, se remate ben e non se precipite a apertura por motivos de presión do tráfico.
Polo carril de saída da cidade transitan 6.000 vehículos diarios, e polos de entrada acceden á cidade uns 9.000 ao día, cantidades suficientemente asumibles ao igual que cando se fixo a obra, momento no que xa se pechou o carril de saída. Tamén está previsto prohibir a circulación de vehículos pesados pola avenida de Marín, que deberán transitar ben pola estrada vella ou por outras vías.
Para facer esta importante obra, a Policía Local elaborou un plan de tráfico específico para a zona que se desenvolve entres fases:
•  A primeira é a preparación das novas medidas de tráfico para o inicio das obras (retirada e colocación da nova sinalización, recortes na calzada para habilitar carrís de circulación, pintado de sinalización horizontal...). Esta farase durante a xornada de hoxe (dende a primeira hora da tarde) e de mañá. Está previsto o peche dun dos carrís de entrada.
• A segunda fase está prevista a partir do luns, 13 de outubro, a partir das 10.00 horas e consistirá en pechar ao tráfico o carril de saída da cidade (Pontevedra-Marín).
Co fin de garantir o tránsito de vehículos, tanto de entrada como saída, o carril de entrada (Marín/Pontevedra), será dividido en dous, co pintado dunha liña lonxitudinal continua amarela de delimitación de carril, onde se colocarán conos e New Yersey delimitando os sentidos de circulación e prohíbese a circulación de vehículos destinados ao transporte de mercadorías con tara máxima de 3,5 Tn.
• A terceira fase iniciase unha vez rematada as obras no carril esquerdo (sentido saída cidade) o que posibilitará abrir ao tráfico de saída e o de entrada se traballara primeiro nun carril (seguira dividido por conos e liña amarela), quedando habilitado outro para o tráfico.
Datos de tráfico
A Avenida de Marín constitúe, hoxe en día, a entrada e saída sur da cidade máis importante de tráfico, así os datos de medición de transito de vehículos diarios (a outubro de 2013) na citada Avenida  o constata:
• Entrada:  9.358 vehículos día (medía diaria) cun tráfico preto dos tres millón e medio de vehículos ano.
• Saída: 6.676  vehículos día, cun tráfico preto de  dous millóns e medio de vehículos ano. 
As obras terán unha longa duración (aproximadamente tres meses) o que vai a dificultar o tráfico, tanto de saída como entrada de vehículo, polo que, dende a Policía Local de Pontevedra aconsellase evitar, na medida do posible o tráfico por esta Avenida.
Como alternativa existe a conexión  a través da AP-9 (entradas e saída da autopista zonas leste, sur e norte da cidade), e a PO-10 (conexión Nó do Pino con saída a PO-11 (autovía de Marín).
Acceso e saída da cidade cara a Marín por rúa Rosalía de Castro (coñecida popularmente como estrada vella de Marín). 

Pontevedra acolle 16 competicións de rango nacional ou internacional durante este ano
Pontevedra convértese no escaparate da oferta educativa de Galicia e de España coa celebración do salón Edugal
Pontevedra recolle en Dubai o premio da ONU pola súa transformación
O Concello mellorará a seguranza viaria nas inmediacións do colexio de Marcón
Victoria Martíns aborda as "Universitarias no franquismo" mañá na Casa das Campás
Volven as Andainas
Lores presenta en Dubai o modelo Pontevedra
Comezan obras de mantemento e reparación en diversas rúas do centro da cidade
Premios da XX Mostra da Parodia
Premios do Desfile do Entroido
A Xunqueira II acolle unha conferencia sobre os prexuízos lingüísticos de Marcos Maceiras
24 de Febreiro de 2015

[...]

Zafarrancho de limpeza na praza de Barcelos
24 de Febreiro de 2015

[...]

Zafarrancho de limpeza na avenida do Uruguai
27 de Xaneiro de 2015

[...]

Haberá máis información sobre a compostaxe nunhas xornadas técnicas
19 de Xaneiro de 2015

[...]

Procura por mes 
O máis buscado
Navegador

O Concello

Pontevédrate

Áreas

Pontevedra participa!

E máis

Hoxe é 20.07.2017 | contacto@pontevedra.eu | Páxina editada o 09.10.2014 polo Concello de Pontevedra.