Pontevédrate...

No último cuarto do XIX actúan no interior do recinto amurallado, ensánchanse epaviméntanse gran cantidade de rúas e derrúbanse moitos tramos de soportais

Serra da Fracha

 

lonxitude: 5.200 m
duración: 2 horas e media
dificultade: media
coordenadas UTM: 29T X: 533.886 Y: 4.694.219
 
percorrido:
Percorrido duns 5.200 m., cunha dificultade media, que permitirá acadar os 542 m de altitude do cumio da Serra da Fracha, que constitúe unha das fronteiras naturais entre o concello de Pontevedra e o de Pontecaldelas. 
 
A ruta proposta comeza na poboación de Canicouva e, ascendendo pola rega que conforma o río de Bouzamigo, están presentes varios muíños fluviais. Logo de acadar o punto máis alto, o camiño lévanos até as proximidades do Campiño. Ademais das matogueiras, onde aniñan aves como a papuxa montesa (Sylvia undata) ou a papuxa cabecinegra (Sylvia melanocephala), o percorrido permitiranos coñecer distintas comunidades forestais autóctonas, onde predomina o carballo (Quercus robur). Tamén se tomará contacto con outras formacións forestais como as que se desenvolven con especies plantadas polo home coma o piñeiro (Pinus pinaster). Nas zonas abertas e de escasa vexetación aparecen tamén elementos da fauna tipicamente mediterránea como a cobra riscada (Elaphe scalaris), a cobra rateira (Malpolon monspessulanus) e a lagartixa rabuda (Psamodromus algirus). 
O máis buscado
Navegador

O Concello

Pontevédrate

Áreas

Pontevedra participa!

E máis

Hoxe é 28.06.2017 | contacto@pontevedra.eu | Páxina editada o 23.09.2011 polo Concello de Pontevedra.