A cidade quedou pequena para acoller os milleiros de persoas que ateigaban as prazas e rúas na Semana Grande. Unha realidade que fala do éxito das festas de Pontevedra e polo que a concelleira Carme da Silva, da os parabéns os pontevedreses e visitantes “pois é a xente a que fai boas as festas”.
A participación activa de nenos e grandes nas distintas e variadas actividades programadas e a enorme tranquilidade nos espazos públicos, sen maiores incidencias, definiron un ano mais as festas da Peregrina.
A concelleira de Festas, Carme da Silva, agradece dun xeito especial a colaboración dos mozos e mozas que na fin de semana atenderon o chamamento do Concello e non se xuntaron na zona de Santa María, aínda que eran “Peñas”, para facilitar o desenvolvemento das actividades da parroquia de Santa María.
Remate das festas
Hoxe, unha xornada “dos nenos” nas atraccións instaladas na Alameda, para que podan dar as últimas voltas a prezos populares e u concerto de Rodrigo Romaní, na praza da Ferrería, co gallo do Dia da Galiza Mártir porán o remate as festas da Peregrina-2015.
Ademais mañá, martes, as 19 horas, celebrarase a exhibición de bailes de salón na praza da Ferrería, programado para o pasado mércores e que fora suspendido pola choiva. A exhibición está organizada pola Escola de Baile Pasos.