Pontevédrate...

As persoas que peregrinan a Santiago penetran no centro histórico pola Ponte de Trabancas. Desde alí guíanse polas luces azuis do pavimento

Cerponzóns (San Vicente)

Cerponzóns pertenceu hai anos ao agora inexistente concello de Alba. Sitúase ao norte da capital e linda con Alba, Verducido e Lérez.

O Camiño Portugués a Santiago entra en Cerponzóns pola ponte de san Caetano. Cómpre visitar nesta parroquia a igrexa de san Vicente, un edificio do século XII con diversas reconstrucións posteriores que fan que non teña un estilo definido. Tanto no seu interior como no seu exterior, poden contemplarse varios escudos nobiliarios da familia Osorio-Galos. O templo está situado nun cotarelo desde o que se divisa unha espléndida panorámica do río Lérez.

Tamén se conservan na parroquia tres cruceiros e varios muíños no curso do río Rons, algún deles aínda en funcionamento, ademais de catro edificios nobres, anteriores ao século XVIII, entre eles a casa reitoral.

A festa patronal celébrase o cuarto domingo de xaneiro (san Vicente) e tamén a do Corpus Christi, coas súas alfombras florais.

    O máis buscado
    Navegador

    O Concello

    Pontevédrate

    Áreas

    Pontevedra participa!

    E máis

    Hoxe é 18.06.2018 | contacto@pontevedra.eu | Páxina editada o 31.01.2008 polo Concello de Pontevedra.