ÁREA DE URBANISMO. Antón Louro Goyanes, que comprende do seguinte ámbito funcional:

• Planeamento urbanístico de desenvolvemento.
• Xestión urbanística.
• Licenzas urbanísticas, de obras e actividades.
• Proxectos de urbanización e reurbanización, agás os promovidos polo Concello no Centro Histórico e nos elementos catalogados.
• Vivenda.
• Disciplina medio ambiental, infraccións urbanísticas e reposición da legalidade urbanística.
• Ordes de execución, declaracións de estado de ruína.
• Dirección e coordinación por infraccións ás normas urbanísticas, medio ambientais, de seguridade cidadá, ordenanzas, bandos e similares que son competencia de Alcaldía.
• Xestión de estacionamentos en réxime de concesión.
• Imposición de sancións por infracción ás normas urbanísticas, medio ambientais, de seguridade cidadá, ordenanzas, bandos e similares que son competencia da Alcaldía.

ÁREA DE ORDENACIÓN DO TERRITORIO. Xosé Cesáreo Mosquera Lorenzo, que comprende o seguinte ámbito funcional:

•  Ordenación do territorio.
• Infraestruturas.
• Xestión no novo PXOM.

ÁREA DE CULTURA E DINAMIZACIÓN SOCIOCULTURAL. María dos Anxos Riveiro Portela, que comprende o seguinte ámbito funcional:

• Promoción e xestión da cultura.
• Vicepresidencia do organismo autónomo Pazo de Congresos e Exposicións.
• Fomento do consumo saudable.
• Dinamización sociocultural.
• Zonas verdes, parques e praias.
• Servizos territorializados no Burgo, Centro Histórico e Moureira, exercendo todas as competencias municipais do ámbito xeográfico que ten asignado agás as de deportes, educación e urbanismo. Deberá coordinarse coa concellería competente na materia.

ÁREA DE FACENDA E MEDIO AMBIENTE: Don Raimundo González Carballo, que comprende o seguinte ámbito funcional:

• Orzamentos e gasto público.
• Ingresos de dereito privado e de dereito público, tributarios e non tributarios en todo o que non sexa competencia do Órgano de Tesourería e Xestión Tributaria.
• Autorización e disposición de gastos, non atribuídos a outro órgano de goberno por disposición legal.
• Ordenación de pagos.
• Sostemento dos espazos públicos.
• Servizos municipais urbanos, incluíndo, a mellora e mantemento do alumeado público municipal, vías públicas municipais e demais bens municipais, excepto os que se atribúen a outro órgano con competencia funcional na materia.
• Montes e parques forestais.
• As atribucións de expropiación e adquisición de inmobles que competen á Alcaldía nos procedementos de levantamento de actas de pagamento e de ocupación dos bens e dereitos afectados polos expedientes de expropiación forzosa.
• A coordinación dos servizos territorializados no medio rural, debendo homoxeneizar os criterios de actuación dos concelleiros que teñan asignados os distintos ámbitos territoriais.
• Servizos territorializados en Canicouva, Ponte Sampaio e Tomeza, exercendo todas as competencias municipais do ámbito xeográfico que ten asignado agás as de deportes, educación e urbanismo. Deberá coordinarse coa concellería competente na materia.

ÁREA EDUCACIÓN E DEPORTES: Don Agustín Fernández González, que comprende o seguinte ámbito funcional:

• Fomento, promoción, xestión e desenvolvemento da actividade física, práctica deportiva e instalacións deportivas.
• A presidencia do organismo autónomo do Instituto Municipal Deportes.
• Educación.
• Universidade.

ÁREA DE RÉXIME INTERIOR E PERSOAL: Don Vicente García Legísima, que comprende o seguinte ámbito funcional:

•  Réxime interior.
• Organización funcional da administración municipal.
• Negociación de acordos e convenios colectivos, reguladores das condicións de traballo e melloras sociais.
• Seguimento e control do cumprimento dos dereitos e deberes do persoal ó servizo do concello.
• Decisións, propostas e trámites en materia de persoal que sexan competencia da Alcaldía.
• Patrimonio municipal.
• Responsabilidade patrimonial e reclamación de danos ao patrimonio municipal.
• Xestión do Padrón municipal de habitantes.
• A inscrición e modificación no rexistro municipal de animais potencialmente perigosos.

ÁREA DE PROTECCIÓN CIDADÁ, SERVIZOS E FESTAS: Dona María Carme da Silva Méndez, que comprende o seguinte ámbito funcional:

• Coordinación e dirección directa da policía local.
• Coordinación e supervisión do servizo municipal de extinción de incendios.
• Coordinación e supervisión do servizo de protección civil.
• Coordinación do plan de emerxencia municipal.
• Ocupación de vías públicas (como pasaxes permanentes, veladores, casetas, etc.).
• Dirección e coordinación en materia de tráfico, previa tramitación do procedemento regulamentario.
• Xestión de residuos sólidos urbanos e limpeza viaria.
• Xestión e supervisión do ciclo da auga.
• Iniciativa, programación e xestión de actividades lúdicas e festas.
• Fomento e coordinación de actividades lúdicas promovidas por outras administracións ou entidades.
• A imposición de sancións en materia de tráfico, previa tramitación do procedemento regulamentario.

AREA DE MOBILIDADE E PATRIMONIO HISTÓRICO: Don Xosé Luís Bará Torres, que comprende o seguinte ámbito funcional:

• Mobilidade, que inclúe os transportes públicos e auto-taxis.
• Accesibilidade.
• Obras e actuacións no Centro Histórico e nos elementos catalogados.
• Patrimonio cultural etnográfico.
• A coordinación dos servizos territorializados no medio urbano, debendo homoxeneizar os criterios de actuación dos concelleiros que teñan asignados os distintos ámbitos territoriais.
• Servizos territorializados en Mourente e en todo o medio urbano que non fora asignado a outro concelleiro/a, exercendo todas as competencias municipais do ámbito xeográfico que ten asignado agás as de deportes, educación e urbanismo. Deberá coordinarse coa concellería competente na materia.

SERVIZO DE PROMOCIÓN ECONÓMICA, EMPREGO E TURISMO. Carlota del Carmen Román García, baixo a coordinación do concelleiro responsable da Área de Urbanismo, sendo o seu ámbito funcional o seguinte:

• Actividades de promoción económica de todos os sectores produtivos.
• Políticas de emprego.
• Promoción e fomento do turismo.
• Fomento e xestión de actividades feirais e congresuais.
• Xestión de congresos e feiras no recinto do Pazo en coordinación co organismo autónomo.
• Mellora, mantemento e conservación dos mercados municipais e funcionamento dos mercadillos de venda ambulante.
• Xestión do matadoiro municipal.
• Incentivación das actividades empresariais.
• Comercio.
• Industria.

SERVIZO DE SERVIZOS SOCIAIS E CEMITERIOS. María Carme Fouces Díaz, baixo a coordinación da concelleira responsable da Área de Cultura e Dinamización Sociocultural, sendo o seu ámbito funcional o seguinte:

• Servizos Sociais.
• Servizo de drogodependencias, Unidade de Día, prevención e inserción.
• Cemiterios
• Escolas Infantís.
• Servizos territorializados en San Xosé, Campolongo e Mollavao, exercendo todas as competencias municipais do ámbito xeográfico que ten asignado agás as de deportes, educación e urbanismo. Deberá coordinarse coa concellería competente na materia.

SERVIZO DE IGUALDADE E SOCIEDADE DO COÑECEMENTO. María Dolores Dopico Aneiros, baixo a coordinación da concelleira responsable da Área de Cultura e Dinamización Sociocultural, sendo o seu ámbito funcional o seguinte:

1. Promoción da igualdade.
2. Sociedade do coñecemento.
3. Novas tecnoloxías.
4. Muller

SERVIZO DE NORMALIZACIÓN LINGÜÍSTICA E XUVENTUDE. Don Demetrio Gómez Xunqueira, baixo a coordinación da concelleira responsable da Área de Cultura e Dinamización Sociocultural, sendo o seu ámbito funcional o seguinte:

• Normalización lingüística e cultural.
• Xuventude.
• Servizos territorializados en Marcón, Verducido, Salcedo, Lourizán, Santa María de Xeve, Santo André de Xeve e Bora, exercendo todas as competencias municipais do ámbito xeográfico que ten asignado agás as de deportes, educación e urbanismo. Deberá coordinarse coa concellería competente na materia.

SERVIZO DE SANIDADE. María do Pilar Comesaña Hermida, baixo a coordinación do concelleiro responsable da Área de Facenda e Medio Ambiente, sendo o seu ámbito funcional o seguinte:

• Sanidade animal
• Canceira e animais abandonados.
• Servizos territorializados en Lérez, Alba, Cerponzóns e Campañó, exercendo todas as competencias municipais do ámbito xeográfico que ten asignado agás as de deportes, educación e urbanismo. Deberá coordinarse coa concellería competente na materia.